WhatsApp Image 2024-07-03 at 3.40.18 PM

ಸಸಿ ನೆಟ್ಟು ಹಸಿರು ಕಾಪಾಡುವುದು ಮಾನವನ ಧರ್ಮ : ನಾಗವೇಣಿ

ಕರುನಾಡ ಬೆಳಗು ಸುದ್ದಿ

ಬಳ್ಳಾರಿ, 3- ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು 2024ರ ವಿಶ್ವ ಪರಿಸರ ದಿನಾಚರಣೆ ಪ್ರಯುಕ್ತ ಪ್ರತಿಯೊಬ್ಬ ಭಾರತೀಯರು ತಮ್ಮ ಅಮ್ಮನ ಹೆಸರು ಮತ್ತು ಸ್ಮರಣೆಯ ನಿಮಿತ್ತ ತಲಾ ಒಂದೊಂದು ಸಸಿ ನೆಡುವ ಮೂಲಕ ಭಾರತವನ್ನು ಹಸಿರೀಕರಣಗೊಳಿಸಬೇಕೆಂದು ಎಂದು ಕರೆ ನೀಡಿದ್ದರ ಹಿನ್ನೆಲೆಯಲ್ಲಿ ಭಾರತೀಯ ಜನತಾ ಪಾರ್ಟಿ ಮಹಿಳಾ ನಗರ ಘಟಕದ ವತಿಯಿಂದ ಸಸಿಗಳನ್ನು ನೆಟ್ಟು ಪೋಷಿಸಲಾಯಿತು.

`ಸಸಿ ನೆಟ್ಟು ಹಸಿರು ಕಾಪಾಡಿ’ ಎನ್ನುವ ಸಂದೇಶದೊಂದಿಗೆ ಬಿಜೆಪಿ ನಗರ ಮಹಿಳಾ ಘಟಕದ ಅಧ್ಯಕ್ಷೆ ನಾಗವೇಣಿ ಅವರ ನೇತೃತ್ವದಲ್ಲಿ ಬಿಜೆಪಿ ಕಾರ್ಯಕರ್ತರು, ನಾಗರಿಕರು, ಶಾಲಾ ಸಿಬ್ಬಂದಿಗಳು ಸಸಿ ನೆಡುವ ಮೂಲಕ ಪರಿಸರ ಕಾಳಜಿ ಮೆರೆದರು. ಇಲ್ಲಿನ ಗಾಂಧಿನಗರದಲ್ಲಿರುವ ಎಂಬಿಎಸ್‍ಎಲ್ ಪ್ರೌಢ ಶಾಲೆಯ ಆವರಣದಲ್ಲಿ ಸಸಿ ನೆಡುವ ಮೂಲಕ ಪರಿಸರ ಹಾಗೂ ಪ್ರಕೃತಿ ಕಾಪಾಡುವುದು ಎಲ್ಲರ ಹೊಣೆಯಾಗಿದೆ ಎಂದು ಮನವಿ ಮಾಡಿದರು.

ಬಿಜೆಪಿ ನಗರ ಮಹಿಳಾ ಘಟಕದ ಪ್ರಧಾನ ಕಾರ್ಯದರ್ಶಿ  ಶೈಲಾ, ಉಪಾಧ್ಯಕ್ಷರಾದ ರೂ¥, ತನುಶ್ರೀ, ಪರಿಮಳ, ಪತಂಜಲಿ ಯೋಗ ಸಮಿತಿಯ ಬಳ್ಳಾರಿ ಸಂಯೋಜಕರಾದ ಚಿದಂಬರ ರಾವ್, ಶಾಲೆಯ ಮುಖ್ಯ ಗುರುಗಳಾದ ಶ್ರೀನಿವಾಸ್, ಶಿಕ್ಷಕರಾದ ಹರಿಬಾಬು, ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

Leave a Reply

Your email address will not be published. Required fields are marked *

error: Content is protected !!